बैतडी, मंसिर ५ । बैतडीमा भएको जिप दुर्घटनामा मृत्यु हुने चार प्रहरीको सनाखत भएको छ। मृत्यु हुनेमा प्रहरी सहायक हवल्दार अर्जुन कठायत, प्रहरी जवान लोकबहादुर बाठामगर, रमेश साउद र विर्ख बहादुर विष्ट रहेका छन् ।
प्रहरी बोकेको जिप आज बिहान दशरथचन्द राजमार्गअन्तर्गत बैतडीको पाटन नगरपालिका–४ निङ्लाडी खोला भन्ने स्थानमा से१ज ८५४ नम्बरको जिप दुर्घटनामा परेको थियोे ।
सोमबार बिहान जिल्लाको पाटन नगरपालिका–४ को थुममा प्रहरी बोकेको जिप दुर्घटना हुँदा ५ जनाको मृत्यु भएको थियोे ।
दुर्घटनामा नौ जना प्रहरी घाइते भएका छन् । टुक्राटुक्रा भएको जिप भिरमा खसेकाले उद्दारमा कठीनाइ भइरहेको छ। से १ ज ८५४ नम्बरको जिप दुर्घटना भएको बताइएको छ।
प्रहरीको घुम्ती टोली सवार उक्त जिप बैतडीबाट पाटनतर्फ आइरहेको थियो। मृतक र घाइते प्रहरीको परिचय खुलेको छैन। जिल्ला प्रहरी कार्यालय र इलाका प्रहरी कार्यालय पाटनको टोली घटनास्थलतर्फ गइरहेको छ।
