काठमाडौं, २६ मंसिर । कलाकार, कवि तथा सामाजिक अभियन्ता श्रीकृष्ण सिम्खडाले सामाजिक क्षेत्रमा पुर्याएको योगदानबारे बनाईएको भिडिओ सार्वजनिक गरिएको छ । आज (सोमबार) विहान उक्त भिडिओ माओवादी केन्द्रका अध्यक्ष पुष्पकमल दाहालले सार्वजनिक गरेका हुन् । आज प्रचण्डको जन्मदिन । सो क्रममा रिपोर्टर्स क्लब नेपालका सभापति ऋषि धमलाको पनि उपस्थिति थियो ।
भिडिओमा सिम्खडाका बाल्यकालदेखिका संघर्षका कथा समावेश गरिएको छ । सिम्खडा लामो समय रेडियो नेपाल र नेपाल टेलिभिजनमा आबद्ध रहे । कलाकारितासंगै सामाजिक कार्यमा होमिएका सिम्खडाले वातावरणीय सफाईदेखि सार्वजनिक शौचालयसम्मको सफाईमा सक्रिय छन् । सरल स्वभावका सिम्खडा सहृदय छन् ।
