काठमाडौं, पुस १३ । नेपाली कांग्रेसको संस्थापन इतर पक्षका नेताहरु बैठक सुरु भएको छ । बालुवाटारस्थित शेखर कोइराला समूहको सम्पर्क कार्यालयमा सुरु भएको बैठकमा पछिल्लो राजनीतिक घटनाक्रमसँगै कांग्रेसभित्र देखापरेको आन्तरिक संकट, प्रदेशमा संसदीय दलको नेता चयन, केन्द्रीय समितिको बैठकका एजेन्डा लगायतबारे छलफल भईरहेको छ ।
बैठकमा पार्टी उपसभापति धनराज गुरुङ, शेखर कोइराला र महामन्त्री गगन थापा, मीनेन्द्र रिजाल, चन्द्र भण्डारी, अर्जुननरसिंह केसीलगायत नेता सहभागी छन्। कांग्रेसले पार्टीभित्रको समस्या समाधानका लागि पुस २२ गते केन्द्रीय समिति बैठक बोलाएको छ।
