काठमाडौं, २३ पुष । त्रिवि क्रिकेट मैदान भइरहेको नेपाल टी-२० लिगमा बिराटनगर सुपर किंग्स प्लेअफमा पुगेको छ। आज भएको खेलमा बिराटनगरले काठमाडौं नाइट्सलाई ७ विकेटले पराजित गर्दै प्लेअफको यात्रातय गरेको हो।
टस जितेर पहिला ब्याटिङ् रोजेको काठमाडौंले निर्धारित २० ओभरमा ६ विकेट गुमाउँदै कुल १५४ रन मात्र जोड्न सक्यो। काठमाडौंका लागि सन्तोष कार्की र अलेक्स बेलले समान ३४/३४ रन जोडे।
जवाफि ब्याटिङमा उत्रिएको बिराटनगरले १८.६ ओभरमा ३ विकेट गुमाउदै १६० रन जोड्यो। बिराटनगरका लागि कप्तान रोहित पौडेलले सर्वाधिक ६६ रन जोडे।
विराटनगर १० खेलमा ५ जित निकाल्दै १० अंकका साथ तेस्रो स्थानमा रहँदै प्लेअफ पुगेको हो। १० खेलमा ४ जित निकालेको काठमाडौंको ८ अंक रहेको छ। पोखराको ६ र फारवेस्टको ४ अंक रहेको छ।
