काठमाडौं, माघ २ । आज सुदूरपश्चिम, कर्णाली, लुम्बिनी र गण्डकी प्रदेशमा आंशिकदेखि सामान्य बदली रहेको छ। जल तथा मौसम पूर्वानुमान महाशाखाका अनुसार अहिले देशको तराईका भू-भागमा भने हुस्सु र कुहिरो लागेको छ ।
सोमबार दिउँसो भने सुदूरपश्चिम, कर्णाली, लुम्बिनी र गण्डकी प्रदेशमा आंशिकदेखि सामान्य बदली हुनेछ। त्यस्तै, बाँकी भू-भागमा मौसम आंशिक बदली रहनेछ। त्यस्तै, देशको उच्च पहाडी तथा हिमाली पहाडी भू-भागहरुका केही स्थानहरुमा हल्का हिमपातको समेत सम्भावना रहेको छ।
आज राति भने देशका पहाडी भू-भागमा आंशिक बदली हुने भएको छ । त्यस्तै, बाँकी भू-भागमा मौसम सामान्यतया सफा रहनेछ। त्यस्तै, देशको उच्च पहाडी तथा हिमाली पहाडी भू-भागहरुका केही स्थानहरुमा हल्का हिमपातको समेत सम्भावना भएको महाशाखाले जनाएको छ ।
