काठमाडौं, ४ माघ । नेकपा (एकीकृत समाजवादी)का अध्यक्ष माधवकुमार नेपाल र जनता समाजवादी नेपालका अध्यक्ष उपेन्द्र यादव अहिले नेपाली कांग्रेसका सभापति शेरबहादुर देउवाको निवास धुम्बाराही पुगेका छन्।
उनीहरुबीच सभामुख निर्वाचनको विषयमा छलफल भइरहेको कांग्रेसका एक नेताले बताए।
सभामुख निर्वाचनका लागि आज दिउँसो मनोनयन हुने कार्यतालिका रहेको छ।
उनीहरुसँगको छलफलपछि सभामुखको उम्मेदवारबारे छलफल गर्न कांग्रेसको पदाधिकारी बैठक बस्दैछ।
