काठमाडौं, ६ माघ । आज बिहानदेखि त्रिभुवन अन्तर्राष्ट्रिय विमानस्थलमा केही विमानहरुले अवतरण गर्न सकेका छैनन्।
मलेसियाकोबाट नेपाल आउँदै गरेको विमान काठमाडौंमा अवतरण गर्न नसकेपछि भारतको कोलकाता पुगेको छभने नेपालगञ्ज विमानस्थलबाट उडेको विमान झापाको चन्द्रगढी विमानस्थलमा अवतरण गरेको छ।
मलेसियाको क्वालालाम्पुरबाट नेपाल आउँदै गरेको नेपाल एयरलाइन्सको आरए-४१६ विमान काठमाडौंको आकाशमा फन्को मारेर कोलकातामा अवतरण गरेको हो।
यस्तै, आज बिहान साढे ७ बजे बाँकेको नेपालगञ्जबाट उडेको श्री एयरलाइन्सको ४४० विमान झापको चन्द्रगढी विमानस्थलमा अवतरण गरेको हो ।
खराब मौसमका कारण त्रिभुवन अन्तर्राष्ट्रिय विमानस्थलमा अवतरण हुन नसकेपछि विमानहरुले अन्यत्र अवतरण गरेको हुन्।
बिहानैदेखि काठमाडौंमा भिजिबिलिटी कम भएका कारण त्रिभुवन विमानस्थलबाट उडान प्रभावित भएको छन्।
