काठमाडौं, ६ माघ । बिहिबार सभामुखमा निर्वाचित भएका देवराज घिमिरेले शपथ ग्रहण गरेका छन्।
उनलाई राष्ट्रपति विद्यादेवी भण्डारीले शितल निवासमा शपथ ग्रहण गराएकी हुन्।
शपथपछि सभामुख घिमिरे लैनचौरस्थित सहिदको शालिकमा माल्यार्पण गर्ने र सिंहदरबारस्थित सभामुखको कार्यकक्षमा पुगेर पदबहाली गर्ने कार्यक्रम रहेको सचिवालयले जनाएको छ।
सत्ता गठबन्धनबाट सभामुखमा निर्वाचित भएका घिमिरे झापाबाट प्रतिनिधिसभाको निर्वाचनमा निर्वाचित भएका थिए।
घिमिरे कांग्रेसकी ईश्वरी न्यौपानेलाई पराजित गर्दै सभामुखमा निर्वाचित भएका हुन्।
