झापा,माघ २०। झापामा पार्किङ गरेर राखिएको मालवाहक ट्रकमा अर्को ट्रक ठोक्किँदा दुईजनाको मृत्यु भएको छ । प्रहरीका अनुसार जिल्लाको शिवसताक्षी नगरपालिका–१ अन्तर्गत पूर्व–पश्चिम राजमार्गमा गएराति दुईजनाको घटनास्थलमै मृत्यु भएको हो ।
च्यापिएको अवस्थामा रहेका उनीहरूको शव निकाल्ने प्रयास भइरहेको जिल्ला प्रहरी कार्यालय झापाले जनाएको छ । प्रहरीका अनुसार उद्धारका लागि तीन वटा जेसिबी परिचालन गरिएको छ ।
पश्चिमबाट पूर्वतर्फ जाँदै गरेका दुईवटा मालवाहक ट्रकमध्ये ना ५ ख ८३११ मा रड लोड भएको थियो । यो ट्रक ना ६ ख ८८९५ पार्किङ गरिएको ट्रकभन्दा पछाडि आउँदै थियो ।
