काठमाडौं, १५ फागुन । प्रधानमन्त्री पुष्पकमल दाहाल ‘प्रचण्ड’ले परराष्ट्रमन्त्रीको विदेश भ्रमण किन रोकेकोबारे खुलासा गरेका छन्।
आजमात्रै राजीनामा बुझाउन गएका एमालेका मन्त्रीहरुलाई प्रधानमन्त्री प्रचण्डले विदेश भ्रमण रोकेको बारेमा जानकारी गराएका हुन्।
उनले परराष्ट्र मन्त्रलायको नेतृत्व सम्हालेकी मन्त्री बिमला राई पौड्याललाई तपाईं विदेशमै रहँदा नै तपाईंको पद नजाओस भनि विदेश भ्रमण रोकेको बताएका हुन्।
पौड्याल निकट स्रोतका अनुसार प्रधानमन्त्री प्रचण्डले भने, ‘विमलाजीलाई अपमान गर्नेगरी भ्रमण नरोकेको हुँ। २०६५ सालको घटना सम्झेर भने मेरो नेतृत्वको सरकारमा परराष्ट्रमन्त्री रहेका उपेन्द्र यादव विदेश भ्रमणमै रहेका बेला मन्त्री पदबाट हट्नु परेको थियो।’
