मुम्बई, फागुन २९ ।। भारतले तामिल फिल्म ‘आरआरआर’ फिल्मबाट ओस्कार अवार्ड पाएको छ । सन् २०२३ को ओस्कारमा भारतले दुईवटा अवार्ड पाएको छ ।
निर्देशक एसएस राजामौलीको फिल्म आरआरआरको गीत ‘नाटु–नाटु’ ले ‘बेस्ट ओरिजिनल गीत’ विधामा ओस्कार अवार्ड जितेको छ । ‘नाटु–नातु’ ओस्कार जित्ने पहिलो भारतीय प्रोडक्सनले बनाएको गीत हो ।
गीतका संगीतकार एमएम किरावाणीले अवार्ड जितेपछि एकेडेमी अवार्डलाई धन्यवाद दिएका छन् । उनले भनेका छन्, ‘म सिकर्मीहरूको कुरा सुनेर हुर्केको मान्छेले आज ओस्कार जितेको छु ।’
यसअघि भारतको ‘द एलिफन्ट व्हिस्पर्स’ले उत्कृष्ट वृत्तचित्र सर्ट फिल्मको लागि ओस्कार अवार्ड जितेको थियो । ओस्कार अवार्डको स्टेजमा नाटु–नाटु गीत पनि प्रस्तुत गरिएको थियो । गीतको नृत्यलाई दर्शकले रुचाएका छन् । एजेन्सी
