काठमाडौं, चैत २२ । निर्वाचन आयोगले प्रतिनिधिसभाका तीन वटा क्षेत्रमा हुने उपनिर्वाचनका लागि आज उम्मेदवारहरुको अन्तिम नामावली प्रकाशन गर्ने भएको छ ।
गत सोमबार मनोनयन दर्ता गराएका उम्मेदवारहरु विरुद्ध परेका उजुरीहरुको छानबिन गरी आयोगले आज अन्तिम नामावली प्रकाशन गर्ने तयारी गरेको हो ।
तनहुँ–१, चितवन–२ र बारा–२ मा वैशाख १० गते हुने उपनिर्वाचनका लागि ६९ जनाले मनोनयन दर्ता गराएका छन् ।
आयोगले उम्मदेवारहरु विरुद्ध उजुरी दिन मंगलबारको दिन तोकेको थियो । आयोगमा राष्ट्रिय स्वतन्त्र पार्टीका सभापति एवं चितवन क्षेत्र नम्बर २ मा उम्मेदवारी दिएका रवि लामिछाने विरुद्ध सबैभन्दा बढी उजुरी परेको बुझिएको छ ।
