काठमाडौं, वैशाख २०। अमेरिकास्थित नेपाली मूलका व्यवसायी राज भण्डारी त्यहाँको प्रतिष्ठित अवार्डबाट सम्मानित भएका छन् ।
पुख्र्यौली थलो कास्की पोखरा घर भएका भण्डारीको साइनसीक्स नामको व्यवसायलाई सन् २०२३ को ‘एक्सपोर्टर अफ द इयर’ अवार्ड प्रदान गरिएको हो । यो अमेरिकाको निकै ठूलो र प्रतिष्ठित अवार्ड हो ।
अमेरिकी सरकारको साना व्यवसाय प्रशासन एसबीएले साइनसीक्सलाई उक्त अवार्डका लागि छनौट गरेको थियो । यस वर्ष अमेरिकाले सामान निर्यात गर्नेमा साना व्यवासायीहरूको छनौट गर्ने क्रममा ५० राज्यबाट टप ५० व्यवसाय छनौट गरिएको थियो । ती टप ५० मध्य नर्थ क्यारोलिना राज्यबाट राज भण्डारीको व्यवसाय छनौट भएको थियो ।
५० राज्यबाट शुरूमा टप टेन हुँदै उनको कम्पनी टप वानमा छनौट भएको हो । अमेरिकाको ४५ प्रतिशत अर्थतन्त्र साना व्यवसायीले धानेको बताइन्छ । आफ्नो कम्पनीले उत्कृष्ट अवार्ड पाएकोमा त्यसले आफूलाई झनै उत्साहित र प्रेरित गरेको भण्डारीले बताए ।
यो कम्पनीमा आफ्नो एकल लगानी रहेको र पोखराकै रन्जन कार्कीको सहयोगले आफ्नो कम्पनी सफल भएको र आफूसँगै कार्की भाइस प्रेसिडेन्टको रूपमा रहेको भण्डारीले बताए। उनले सो कम्पनी पहिला अमेरिकनले नै चलाएको र पछि आफूले सो कम्पनी अमेरिकनबाट किनेको बताए ।
१९८५ मा शुरू भएको सो कम्पनी तीन वर्षअघि राज भण्डारीको पूर्ण स्वामित्वमा आएको थियो । ‘भण्डारी नेतृत्वको सो कम्पनीले अहिले ८ सय वस्तुहरूको उत्पादन गर्ने गरेको र ती उत्पादनहरू नेपाललगायत १ सय बढी देशहरूमा पुग्ने गरेको छ । नेपाल समाचारपत्र दैनिकबाट
