काठमाण्डौ, जेठ १ । नेपाली बजारमा सोमबार सुनको भाउ उकालो लागेको छ। नेपाल सुनचाँदी व्यवसायी महासंघका अनुसार आइतबार स्थिर रहेको सुनको मूल्य आज तोलामा २०० रुपैयाँले बढेको हो।
योसँगै प्रतितोला फाइन गोल्ड १ लाख ११ हजार रुपैयाँ र तेजाबी गोल्ड १ लाख १० हजार ४५० रुपैयाँ कायम भएको छ। आइतबार फाइन गोल्ड प्रतितोला १ लाख १० हजार ८०० रुपैयाँ र तेजाबी गोल्ड १ लाख १० हजार २५० रुपैयाँमा कारोबार भएको थियो।
आज चाँदीको भाउ भने स्थिर नै रहँदै तोलाका १ हजार ३७५ रुपैयाँ कायम भएको छ। आइतबार पनि भाउ स्थिर रहँदै चाँदी तोलाको १ हजार ३७५ रुपैयाँमै किनबेच भएको थियो।
