काठमाडौं, जेठ ३ । आज बुधबार सुनको मूल्य घटेको छ । मंगलबार तोलाको १ लाख ११ हजार १ सय रुपैयाँमा कारोबार भएको छापावाल सुनको मूल्य आज तोलामा ११ सय रुपैयाँले घटेर प्रतितोला १ लाख १० हजार रुपैयाँमा कारोबार भईरहेको छ ।
तेजावी सुनको मूल्य पनि आज प्रतितोला १ हजार ५० रुपैयाँले घटेर तोलाको १ लाख ९ हजार ५ सय रुपैयाँमा कारोबार भइरहेको छ । आज चाँदीको मूल्य भने तोलामा ५ रुपैयाँले घटेर प्रतितोला १ हजार ३ सय ७० रुपैयाँमा आइपुगेको छ ।
नेपाल सुनचाँदी व्यवसायी महासंघले आज प्रति १० ग्राम छापावाल सुनको मूल्य ९४ हजार ३ सय १० रुपैयाँ, दश ग्राम तेजावी सुनको मूल्य ९३ हजार ८ सय ८० रुपैयाँ र प्रति १० ग्राम चाँदीको मूल्य १ हजार १ सय ७४ रुपैयाँ ५० पैसा कायम गरेको छ ।
