प्रधानमन्त्री दाहालको भारत भ्रमणको दल सानो बनाउने तयारी

काठमाडौं, १४ जेठ । प्रधानमन्त्री पुष्पकमल दाहालको भारत भ्रमणमा भ्रमण दल सानो हुने भएको छ । आज बसेको मन्त्रिपरिषद् बैठकमा प्रधानमन्त्री दाहालको भारत भ्रमणको बारेमा छलफल भएको थियो । सो बैठकमा सकेसम्म भ्रमण दल सानो बनाउने निर्णय भएको एक मन्त्रीले जानकारी दिए ।

सरकारकी प्रवक्ता रेखा शर्माले प्रधानमन्त्री प्रचण्डको भारत भ्रमणमा को को सहभागी हुने भन्नेबारे भोलि निर्णय हुने जानकारी दिईन् । उनले भनिन–‘विषयहरू मन्त्रालयहरूले तयारी गररहेका छन् । अन्तिम चरणमा पुगिसकेको छ । ऊर्जासँगै सीमा समस्याको कुरा पनि छन् । ती विषयमा छलफल भइरहेका छन् औपचारिक निर्णय भइसकेको छैन । जुन–जुन क्षेत्रसँग सम्झौता हुन्छ त्यो क्षेत्रका मन्त्री वा सचिव जानुहुन्छ । यो प्रतिनिधि मण्डललाई ठुलो नबनाउने भन्नेछ । आवश्यक पर्नेहरू मात्रै जानुहुन्छ ।’

File Photo/ReportersNepal