बाँके, जेठ १७ । बाँकेमा भएको सवारी दुर्घटनामा दुईजनाको मृत्यु भएको छ । जिल्लाको राप्ती सोनारी गाउँपालिका – ८ मा भएको दुर्घटनामा चालकसहित दुईको मृत्यु भएको प्रहरीले जनाएको छ ।
बा १३च ८२५३ नम्बरको कार र मे १ ख ३३३५ नम्बरको बस ठक्कर खाँदा सो दुर्घटना भएको थियो । मृत्यु हुनेमा कारमा सवार डाक्टर सञ्जु खड्का र कारका चालक सुवास अधिकारी रहेको प्रहरीको भनाइ छ ।
उनीहरुको शिक्षण अस्पताल कोहलपुरमा उपचारका क्रममा मृत्यु भएको बताइएको छ । मृतक सन्जु खड्का उपप्रधान तथा रक्षामन्त्री पूर्णबहादुर खड्काकी भाई बुहारी भएको खुलेको छ ।
मन्त्री खड्काका भाई अर्थात मृतक सञ्जुकी श्रीमान प्रा डा डम्बर खड्का भने कर्णाली प्रदेश अस्पतालका निर्देशक रहेका छन् । दुर्घटनामा अन्य केही सामान्य घाइते भएको प्रहरीले जनाएको छ ।
