काठमाडौं,३० जेठ । काठमाडौं महानगरपालिकाले दुई वटा स्कुलमा लगाइएको ताला फोडेर पठनपाठन सूचारु गरेको छ ।
आज काठमाडौं महानगरपालिकाका मेयर बालेन्द्र शाहको निर्देशनमा शिक्षा विभागका कर्मचारीद्धारा सानो भर्याङमा रहेको संस्कृत स्कुल र बाँसबारीमा रहेको युलेन्स स्कुलमा लगाइएको ताला फोडेर पठनपाठन सुरु गरेको हो ।
छात्रवृत्ति विवरण, शुल्क स्वीकृति विवरण, कर्मचारीको पारिश्रमिक विवरण लगायतका माग राखेर अनेरास्ववियु (क्रान्तिकारी) काठमाडौं जिल्ला समितिले आइतबार ती विद्यालयहरुमा ताला लगाएको थियो ।
