काठमाठौं, असार ९ । जल तथा मौसम पूर्वानुमान महाशाखाका अनुसार मनसुन प्रणाली देशभर फैलिएसँगै विभिन्न स्थानमा भारी वर्षा भएको छ । गत जेठ ३१ गते नेपाल प्रवेश गरेको यस वर्षको मनसुनी प्रणाली देशभर फैलिएको हो ।
यस वर्ष कोशी, मधेस र गण्डकी प्रदेशको पूर्वी भू–भाग र बागमती प्रदेशका अधिकांश भू–भागबाट मनसुनी प्रणाली प्रवेश गरेको थियो । कोशी, बागमती, मधेश, गण्डकी, कर्णाली तथा सुदुरपश्चिम प्रदेशका केही स्थानहरुमा आज भारी वर्षाको सम्भावना रहेको छ ।
अन्य प्रदेशका केही स्थानहरुमा पनि मेघ(गर्जन चट्याङ्गसहित हल्कादेखि मध्यम वर्षाको सम्भावना छ । हाल देशमा मनसुनी वायुको साथै भारतको उत्तर प्रदेश आसपास रहेको न्यून चापिय प्रणालीको पनि प्रभाव रहेको मौसम पूर्वानुमान महाशाखाले जनाएको छ ।
यसैबीच मकवानपुरको भोर्लेनी र आसपासको क्षेत्रमा भारी वर्षा मापन भएको छ । यस्तै कास्कीको पोखरा, छोमरोङ, जुम्लेटी लगाएत क्षेत्रहरूमा पनि भारी वर्षा मापन भएको छ ।
मोदी खोला, मार्दी खोला लगायत सो क्षेत्र भइ बहने स(साना खोलाहरूमा आकस्मिक बहाव हुने सम्भावना रहेकाले तटीय क्षेत्रहरूमा उच्च सतर्कता अपनाउन बाढी पूर्वानुमान महाशाखाले अनुरोध गरेको छ ।
