काठमाडौं, २१ असार । सरदार प्रितम सिंहले आफूले पछिल्लो पाँच वर्ष यता माओवादी केन्द्रका अध्यक्ष पुष्पकमल दाहालसँग नभेटेको स्पष्ट पारेका छन् । पछिल्लो समय उनै प्रितम सिंहको कारण प्रधानमन्त्री प्रचण्ड विवादमा तानिएका छन् । दाहालले सरकार सिंहको बारेमा लेखिएको पुस्तक विमोचन गर्ने क्रममा दिएको अभिव्यक्तिलाई लिएर प्रमुख प्रतिपक्षी दल नेकपा (एमाले) ले राजीनामा माग्दै संसद् अवरुद्ध गरेको छ ।
तर, सरदार सिंहले भने आफूले पछिल्लो समय प्रचण्डलाई नभेटेको जिकिर गरेका छन् । प्राइम टिभीबाट हिजो (बुधबार) प्रसारण भएको जनता जान्न चाहन्छन् कार्यक्रममा पत्रकार ऋषि धमलासँगको कुराकानीमा सिंहले भने–‘मैले प्रचण्डलाई नभेटेको पाँच वर्ष भैसक्यो, अहिले पछिल्लो समय मैले पुस्तक विमोचनको लागि अतिथिको रुपमा बोलाउन भेटेको थिएँ ।’ उनले आफू भारत नै नगएको पनि पनि चार वर्ष भैसकेको सुनाए ।
