काठमाडौं, ६ असोज । नेपाली कांग्रेसका महामन्त्री गगनकुमार थापाले नेपाल क्रिकेट संघ (क्यान) को केन्द्रीय अध्यक्षमा निर्वाचित चतुर बहादुर चन्द, सचिव पदमा निर्वाचित पारस खड्का, उपाध्यक्षमा रोशन कुमार सिंह लगायत केन्द्रीय कार्यसमितिमा निर्वाचित सम्पूर्णलाई बधाई ज्ञापन गरेका छन् ।
सामाजिक सञ्जालमार्फत महामन्त्री थापाले निर्वाचित नेतृत्वलाई बधाई दिएका हुन् । साथै, उनले नवनिर्वाचित सचिव पारश खड्कालाई क्रिकेट संघको अधिकारीको रुपमा काम गर्ने मौका आएको उल्लेख गरेका छन् । उनले लेखेका छन्-
नेपाल क्रिकेट संघ (CAN) को केन्द्रीय अध्यक्षमा निर्वाचित चतुर बहादुर चन्द, सचिव पदमा निर्वाचित पारस खड्का, उपाध्यक्षमा रोशन कुमार सिंह लगायत केन्द्रीय कार्यसमितिमा निर्वाचित सम्पूर्णलाई बधाई।
विशेष गरी पारसका लागी खेल मैदानका कुशल नेतृत्व र सफलता हुँदै अब क्रिकेट संघको अधिकारीको रूपमा काम गर्ने मौका आएको छ। म विश्वस्त छु, पारसले खेल प्रशासकको रूपमा खेल्न लागेको ‘इनिङ’ पनि खेल र कप्तानी ‘इनिङ’ जस्तै सफल हुनेछ। नेपालमा क्रिकेटको विकासको लागी चतुर बहादुर चन्द नेतृत्वको नयाँ टिमलाई हार्दिक शुभकामना।
