काठमाडौं, असोज १० । नेपाली बजारमा आज पनि सुनचाँदीको भाउ घटेको छ । मंगलबार प्रतितोला १ लाख ११ हजार ८ सय रुपैयाँमा कारोबार भएको छापावाल सुन आज ८ सय रुपैयाँले घटेर १ लाख ११ हजार रुपैयाँमा कारोबार भइरहेको छ ।
आज तेजावी सुन प्रति तोला ८ सय रुपैयाँले घटेर १ लाख १० हजार ४ सय ५० रुपैयाँमा कारोबार भइरहेको छ । त्यस्तै आज चाँदीको भाउ तोलामा १५ रुपैयाँ घटेर प्रतितोला १ हजार ३ सय ८५ रुपैयाँमा कारोबार भइरहेको छ ।
नेपाल सुनचाँदी व्यवसायी महासंघका अनुसार आज प्रति १० ग्राम छापावाल सुनको भाउ ९५ हजार १ सय ६५ रुपैयाँ, १० ग्राम तेजावी सुनको भाउ ९४ हजार ६ सय ९५ रुपैयाँ र प्रति १० ग्राम चाँदीको भाउ १ हजार १ सय ८७ रुपैयाँ ५० पैसा कायम रहेको छ ।
