काठमाडौं, असोज १४ । काठमाडौंको तीनकुनेमा मोटरसाइकल दुर्घटना हुँदा एक जनाको मृत्यु भएको छ । दुर्घटनामा एकजना घाइते भएका छन् ।
शान्तिनगर गेट नजीकको निर्माणाधिन पुलका लागि खनिएको खाल्डोमा जमेको पानीमा मोटरसाइकल खस्दा एक जनाको मृत्यु भएको हो । बानेश्वरबाट कोटेश्वरतर्फ जाँदै गरेको बा–०२–०३९ च ११९७ नम्बरको मोटरसाइकल पुलबाट खसेको प्रहरीले जनाएको छ।
दुर्घटनामा परेर भक्तपुरको चाँगुनारायण घर भएका १७ वर्षीय सुशील गुरुङको मृत्यु भएको छ । उनी मोटरसाइकल पछाडी सवार थिए । मोटरसाइकल चालकलाई उद्धार गरेर अस्पताल पठाइएको छ ।
