काठमाडौं,२१ असोज । नेपाली कांग्रेसले इजरायलमा बिद्रोही समूह हमासले गरेको आक्रमणबारे निन्दा गरेको छ । पार्टी सभापति शेरबहादुर देउवाले आज एक विज्ञप्ति जारी गर्दै नेपालीहरूको एकिन तथ्याङ्क पत्ता लगाई उनीहरूको जीवन रक्षा र उनीहरूलाई तत्काल सुरक्षित स्थानमा पु¥याउनका साथै आवश्यक उद्धार गर्ने र यथासम्भव स्वदेश फर्काउनका लागि नेपाल सरकारले अविलम्व कुटनीतिक पहल गर्न माग गरेको छ ।
‘मित्रराष्ट्र इजरायलका विभिन्न स्थानहरूमा भएको आक्रमणमा परी करीब एक दर्जन घाइते र आक्रमणकारीबाट केही नेपालीलाई कब्जामा लिइएको घटनाप्रति नेपाली कांग्रेसको गम्भीर ध्यानाकर्षण भएको छ र यस घटनाको भत्र्सना गर्दै गहिरो चिन्ता प्रकट गर्दछ’ । विज्ञप्तिमा भनिएको छ ।
‘इजरायलमा विभिन्न कारणले बसोबास गर्दै आएका नेपालीहरूको एकिन तथ्याङ्क पत्ता लगाई उनीहरूको जीवन रक्षा र उनीहरूलाई तत्काल सुरक्षित स्थानमा पु¥याउनका साथै आवश्यक उद्धार गर्ने र यथासम्भव स्वदेश फर्काउनका लागि नेपाल सरकारले अविलम्व कुटनीतिक पहल गर्न नेपाली कांग्रेस जोडदार माग गर्दछ । त्यसैगरी इजरायलमा कार्यरत नेपालीहरूलाई स्वदेश फर्कने वातावरण निर्माण गरिदिन मित्रराष्ट्रहरू, अन्तर्राष्ट्रिय मानव अधिकारवादी संघ संस्था, आप्रवास सम्बन्धी संगठन (आइओएम) अन्तर्राष्ट्रिय रेडक्रस समिति लगायत सम्वद्ध सबै अन्तर्राष्ट्रिय समुदायहरूसँग नेपाली कांग्रेसका तर्फबाट हार्दिक आग्रह गर्दछु । साथै अप्ठ्यारोमा परेका नेपालीहरूले आवश्यक सहयोगका लागि इजरायल स्थित नेपाली दूतावास एवं नेपाली जनसम्पर्क समितिमा सम्पर्क गर्नु हुन आह्वान गर्दछु ’। देउवारद्धारा जारी विज्ञप्तिमा भनिएको छ ।
शनिबार बिहान बिद्रोही समूह हमासले गरेको अन्धधुन्द आक्रमणमा पराी सयौंको संख्यामा नागरिकको मृत्यु हुनाका साथै कयौं बेपत्ता भएका त्यहाका सञ्चार माध्ययमले जनाएका छन् । उक्त आक्रमणमा केही नेपालीसमेत परेको परराष्ट्र मन्त्रालयले जनाएको छ । सो बारेमा एकिन जानकारी भने नआएको मन्त्री एनपी साउदले जनाएका छन् ।
