काठमाडौं, असोज २३ । नेकपा (एमाले) को सुदूरपश्चिम प्रदेश कमिटी प्रथम अधिवेशनअन्तर्गत नेतृत्व चयनका लागि आज मतदान हुँदै छ।
सोमबार साँझ निर्वाचन कमिटीले सार्वजनिक गरेको निर्वाचन तालिका अनुसार अहिले बिहान ७ बजेदेखि साढे ९ बजेसम्म उम्मेदवारी दर्ता गर्ने समय जारी छ ।
उम्मेदवारी दर्ता भएपछि बिहान साढे ११ बजे उम्मेदवारको प्रारम्भिक नामावली प्रकाशन हुनेछ। १२ बजेदेखि २ बजेसम्म उम्मेदवार विरुद्द उजुरी दिने र उम्मेदवारी फिर्ताको समय दिएको छ।
दिउँसो साढे २ बजे उम्मेदवारको अन्तिम नामावली प्रकाशन हुने निर्वाचन तालिका रहेको छ । बेलुकी ५ बजेदेखि मतदान सुरू हुनेछ ।
एमालेको सुदूरपश्चिम अध्यक्षमा कृष्णप्रसाद जैसी, बचनबहादुर सिंह र कमल तिमिल्सिनाले दाबी गरेका छन्।
