काठमाडौं,३० असोज । नेकपा एमालेको भातृ संगठन राष्ट्रिय युवा संघ नेपालले पब्जी प्रतियोगिता आयोजना गर्ने भएको छ ।
युवा संघले दशैं, तिहार तथा छठ पर्वको उपलक्ष्यमा कार्तिक २५ गते काठमाडौंमा पब्जी प्रतियोगिता गर्न लागेको हो । युवा संघले आज काठमाडौंमा पत्रकार सम्मेलनको आयोजना गर्दै उक्त जानकारी दिएको हो । खेल अन्तर्राष्ट्रि पब्जीको नियमानुसार खेलाईने र कुनै विवाद भएमा त्यसको निर्कौल आयोजकले गर्ने युवा संघले जनाएको छ ।
खेलको विजेतालाई २ लाख, दोस्रोलाई १ लाख, तेस्रोलाई ५० हजार पुरस्कार दिइने छ । प्रतियोगिताको उत्कृष्ट खेलाडीले २५ हजार रुपैयाँ पाउनेछ ।
