काठमाडौं,१२ कार्तिक । नेपाल भ्रमणमा रहेका माल्दिभ्सका विदेश राज्यमन्त्री अहमद खलिलले परराष्ट्रमन्त्री एनपी साउदसँग शिष्टाचार भेटवार्ता गरेका छन् ।
आइतबार सिंहदरबारस्थित परराष्ट्र मन्त्रालयमा भेटवार्ता भएको हो । भेटवार्तामा द्विपक्षीय हितका विषयमा छलफल भएको परराष्ट्र मन्त्रालयले जनाएको छ ।
विदेश राज्यमन्त्री खलिलले आइतबार नै परराष्ट्र सचिव भरतराज पौड्यालसँग पनि छुट्टै भेटवार्ता गरेका मन्त्रालयले जनाएको छ ।
