काठमाडौं,१५ कार्तिक । प्रमुख प्रतिपक्षी दल नेकपा एमालेले यसवर्ष पनि बडा दशैं, तिहार, छठ तथा नेपाल संवतको अवसर पारेर आज चियापान तथा शुभकामना आदानप्रदान कार्यक्रम आयोजना गरेको छ ।
एमालेका अध्यक्ष केपी शर्मा ओलीद्धाराआयोजित कार्यक्रम पार्टी मुख्यालय च्यासलमा जारी रहेको छ । चियापान कार्यक्रममा प्रधानमन्त्री पुष्पकमल दाहाल प्रचण्डदेखि पूर्व प्रधानमन्त्रीसमेतलाई बोलाइएको छ । यसैबीच एमालेको चियापान कार्यक्रममा पूर्व उपाध्यक्ष डा. भीम रावल पनि पुगेका छन् ।
चितवनमा सम्पन्न १०औं महाधिवेशनपछि पार्टीमा असन्तुष्ट रहेका रावल एमालेले आयोजना गरेको कार्यम्रममा विरलै उपस्थित हुने गर्छन् । उनले साउन गत ३० गते च्यासलमै पुगेर अध्यक्ष केपी शर्मा ओलीसँग छलफल गरेका थिए । रावल हाल एमालेको कुनैपनि जिम्मेवारीमा छैनन् । उनलाई छिट्टै उपयुक्त जिम्मेवारीसहित पार्टीको काममा सक्रिय गराउने एमालेको तयारी रहेको छ ।
