काठमाडौं,१७ कार्तिक । टी–२० विश्वकप क्वालिफायरको सेमिफाइनलमा यूएईविरुद्ध जवाफी ब्याटिङमा उत्रिएको नेपाललाई पहिलो झट्का लागेको छ ।
माथिल्लो मूलपानी मैदानमा यूएईले दिएको १३५ रनको जवाफी लक्ष्य पछ्याएको नेपालले २ ओभरको अन्तिम बलमा ओपनर कुशल भूर्तेललाई गुमाएको हो । उनी निलांश केसवानीको बलमा आउट भएका हुन् । उनले २ चौकाको मद्दतमा ११ रन बनाउँदै आउट भए ।
ताजा अवस्थामा नेपाल ४ ओभरको खेल चलिरहँदा १ विकेट गुमाएर २७ रन बनाएर खेलिरहेको छ ।
