काठमाडौं,२० कार्तिक । नेकपा एकीकृत समाजवादीले पार्टीको १०औं राष्ट्रिय महाधिवेशन काठमाडौंमा गर्ने निर्णय गरेको छ ।
सोमबार बिहान बसेको सचिवालय बैठकले आगामी महाधिवेशन काठमाडौंमा आयोजना गर्ने निर्णय गरेको हो । यसअघि समाजवादीले आगामी माघ १४ देखि १८ गतेसम्म महाधिवेशन आयोजना गर्ने निर्णय गरेपनि स्थान छनोट गरेको थिएन् ।
२०७८ को भदौमा एमादेबाट टुक्रिएर नयाँ पार्टी बनेको समाजवादीले आफूलाई एमालेको असली स्वरुप मान्दै एकैपटक दशौं महाधिवेशन गर्ने जनाएको छ । एमालेले भने ०७८ को मंसिरमा पार्टीको १०औं महाधिवेशन आयोजना गरेको थियो ।
