काठमाडौं,२३ कार्तिक । अखिल नेपाल फुटवल संघका अध्यक्ष पंकजविक्रम नेम्वाङको पद जोगिएको छ । उनीविरुद्धको अविश्विासको प्रस्ताव बहुमतले अस्वीकार भएको छ ।
एन्फाको आज बसेको विशेष साधरणसभामा भएको मतदानमा उनले विश्वासको मत पाएका हुन् ।
कुल ८७ जना मतदातामध्ये प्रस्तावको पक्षमा शून्य मत र विपक्षमा अर्थात अध्यक्ष नहटाउने पक्षमा ५२ मत प्राप्त भएसङ्गै अध्यक्ष नेम्वाङको अध्यक्ष पद जोगिएको छ । एक मत बदर भएको छ । मतदान प्रक्रियामा ५३ जनामात्र सहभागी भए भने ३४ जनाले मतदान बहिष्कार गरे ।
