काठमाडौं,३ मंसिर । भारतमा जारी १३औं संस्करणको आईसीसी एक दिवसीय विश्वकप क्रिकेटको उपाधिका लागि अस्ट्रेलियारिुद्ध भारतले पहिला ब्याटिङ गर्ने भएको छ ।
भारतको अहमदाबादस्थित नरेन्द्र मोदी स्टेडियममा अस्ट्रेलियाले टस जितेर सुरुवातमा फिल्डिङ गर्ने निर्णय गर्दै भारतलाई ब्याटिङको निम्ता दिएको हो ।
भारतले सेमिफाइनलमा न्यूजिल्याण्ड र अस्ट्रेलियाले दक्षिण अफ्रिकालाइ पाखा लगाउँदा एकअर्काविरुद्धको भेट पक्का गरेका हुन् । अस्ट्रेलिया हालसम्मकै सर्वाधिक विश्वकप जित्ने राष्ट्र हो । उसले हालसम्म ५ पटक उपाधि चुमिसकेको छ । भने भारत तेस्रो पटक उपाधि जित्ने लक्ष्यका साथ मैदान उत्रँदैछ ।
