काठमाडौं,५ मंसिर । श्रीलंकामा हुने भनिएको यू-१९ विश्वकप क्रिकेटको ठाउँ परिवर्तन भएको छ ।
अन्तर्राष्ट्रिय क्रिकेट काउन्सील (आईसीसी) ले श्रीलंकामा हुने विश्वकप दक्षिण अफ्रिकामा गर्ने निर्णय गरेको हो ।
श्रीलंकाको क्रिकेट बोर्डमा राजनीतिक हस्तक्षेप भएको भन्दै आईसीसीले श्रीलंका क्रिकेटलाई निलम्बन गरेको छ । त्यसैले जनवरीमा श्रीलंकामा हुने भनिएको विश्वकप दक्षिण अफ्रिका सार्नु परेको हो ।
यू-१९ विश्वकप क्रिकेटमा नेपाल पनि छनोट भएको छ । जनवरी १३ देखि फेब्रुअरी ४ सम्म हुने भनिएको प्रतियोगिता दक्षिण अफ्रिकामा त्यही मिति आसपासमा आयोजना हुने छ ।
नेपालले विश्वकपको समूह चरणमा भारत, पाकिस्तान र अफगानस्तानसँग भिड्ने छ ।
