काठमाडौं,५ मंसिर । फिफा विश्वकप- २०२६ छनोटको दोस्रो चरणमा यमनविरुद्धको खेलका निम्ति नेपालको सुरुआती-११ सार्वजनिक भएको छ ।
यमनविरुद्ध नेपाली टिमका मुख्य प्रशिक्षक भिन्चेन्सो अल्बर्टो एनेसले अनन्त तामाङलाई पहिलो रोजाइमा राखेका छन् । मनिष डाँगी र आयुष घलान भने बेञ्चमा छन् । खेल अहिले ७ बजे दशरथ रंगशालामा सुरु हुँदै छ ।
छनोटको दोस्रो चरणमा नेपालको यो दोस्रो खेल हो । नेपाल यसअघि पहिलो खेलमा यूएईसँग ४-० ले पराजित भएको थियो ।
नेपालले यसअघि पहिलो चरणमा लाओसलाई समग्रमा २-१ ले हराएको थियो ।
नेपाली टिम- अनन्त तामाङ, किरण चेम्जोङ (कप्तान),जिलेश्पीजंग कार्की, एरिक बिस्ट, आशिष चौधरी, उत्सब राई, सेसेहाङ आङदेम्बे, अन्जन बिस्ट, दीनेश हेन्जन, सनिश श्रेष्ठ, रोहित चन्द ।
