काठमाडौं, २४ मंसिर । भक्तपुर एडिफाई स्कुल्स अर्गनाइजेसन नेपाल (ईप्सन) भक्तपुरको बोर्ड कार्यक्रम अन्तर्गत सदस्य विद्यालय सेन्ट जोन ईगंलिस स्कुल सल्लाघारी भक्तपुरको आयोजनामा एकल गायन प्रतियोगिता सम्पन्न भएको छ ।
उक्त गायन प्रतियोगिताको छात्रतर्फ ईडेन गार्डेन स्कुलका श्रीजय महत प्रथम, यूनिटी स्कुलका सिलास परियार द्धितीय, मदरल्याण्ड स्कुलका क्रिसल तामाङ तृतीय र पारिजात स्कुलका असिम थापा सान्त्वना हुन सफल भएका थिए। यसै गरी छात्रा तर्फको गायनमा अनु बादी विमल मेमोरियल स्कुल प्रथम, साकिरा प्रजापति सूर्योदय स्कुल द्धितीय, स्वर्णिम कार्की ईडेन गार्डेन स्कुल तृतीय र विपिना घिमिरे मदरल्याण्ड स्कुल सान्त्वना हुन सफल भएका थिएँ ।
ईप्सन भक्तपुरको अध्यक्ष जिबी खड्काले विजेता विद्यार्थीहरुलाई पुरस्कृत पश्चात शुभकामना व्यक्त गरे । ईप्सनले वार्षिक रुपमा शिक्षक एवं विद्यार्थीहरुको लागि विविध कार्यक्रम गर्दै आएको समेत उनले जानकारी गराए । कार्यक्रमको आयोजक विद्यालय सेन्ट जोन स्कुलका प्राचार्य देव भट्टले यस्ता प्रकारको कार्यक्रमले विद्यार्थीहरुमा निहित प्रतिभाले स्थान पाउने बताए ।
