काठमाडौं,२९ मंसिर । नेपाली कांग्रेसको महासमिति बैठकको मिति तेस्रो पटक सरेको छ ।
केन्द्रीय कार्यालय सानेपामा बसेको केन्द्रीय कार्यसम्पादन समिति बैठकले तेस्रो पटक मिति सारेको हो ।
राष्ट्रियसभा निर्वाचन र जाडोको कारण देखाउँदै महासमिति बैठक सारिएको हो ।
आउँदो पुस १६ देखि १९ गतेसम्म हुने भनिएको पार्टीको महासमिति बैठकलाई फागुनसम्म धकेल्ने निर्णण भएको एक नेताले जानकारी दिए । उनका अनुसार महासमिति बैठक फागुन ७ गतेदेखि १० गते सम्म हुने निर्णय भएको छ ।
यसअघि कांग्रेसले मंसिर १३ गतेदेखि १५ गतेसम्म महासमिति बैठक बस्ने निर्णय गरेको थियो ।
त्यो बैठक कांग्रेसले दुई साता पछि सारेर मंसिर २९ तथा पुस १ र २ गते गर्ने निर्णय गरेको थियो । त्यसपछि फेरि बैठक सारेर पुस १६ गतेदेखि १९ गतेका लागि तय गरिएको थियो ।
