काठमाडौं,३ पुस । नेकपा एमालेका नेता तथा पूर्वसांसद गोविन्द बिक्रम शाह कमल थापा नेतृत्वको राप्रपा नेपालमा प्रवेश गरेका छन् ।
बलियो राष्ट्रवादी प्रजातान्त्रिक शक्ति आवश्यक रहेको भन्दै उनी राप्रपा नेपालमा प्रवेश गरेका हुन् । पूर्वसांसद शाह आफ्नो पार्टीमा प्रवेश गरेको राप्रपाका महामन्त्री राजाराम बर्तौलाले जानकारी दिए ।
उनी जाजरकोट जिल्लाको निर्वाचित जिविस सभापतिसमेत हुन् । उनलाई पार्टीमा स्वागत गर्दै अध्यक्ष थापाले अहिले मुलुकमा कायम संघीय गणतन्त्र भ्रष्टतन्त्रमा परिणत भएकाले व्यवस्था परिवर्तन बिना अवस्था परिवर्तन नहुने बताए ।
नवप्रवेशी शाहले मुलुकको राष्ट्रिय राजनीतिमा राप्रपा नेपाललाई स्थापित गराउन भरमग्दुर प्रयास गर्ने प्रतिवद्धता व्यक्त गरे ।
