काठमाडौं, माघ ७ । प्रधानमन्त्री कप राष्ट्रिय क्रिकेट प्रतियोगितामा आज दुई खेल हुँदैछन् । आज भैरहवा क्रिकेट मैदानमा नेपाल पुलिस क्लब र त्रिभुवन आर्मी क्लबबीच खेल हुँदैछ भने मुलपानी क्रिकेट मैदानमा गण्डकी प्रदेश र कोशी प्रदेशबीच हुँदैछ ।
खेल तालिका अनुसार सुदूरपश्चिम तीन खेल जितेर ६ अंकसहित शीर्ष स्थानमा रहेको छ भने नेपाल पुलिस क्लबले दुई खेल जितेर ४ अंकसहित अंक तालिकामा चौथो स्थानमा रहेको छ । दुबै टोली अहिलेसम्म अपराजित रहेका छन् ।
त्यस्तै बागमती प्रदेश ५ खेलमा ३ खेल जितेर ६ अंकसहित दोस्रो स्थानमा छ भने मधेश प्रदेश ५ खेलमा ३ जितसहित ६ अंक हासिल गरेर तेस्रो स्थानमा छ । त्रिभुवन आर्मी क्लब २ खेल जितेर ४ अंकसहित पाँचौ र एपीएफ क्लबले २ खेल जितेर ४ अंकसहित छैटौं स्थानमा रहेको छ।
त्यस्तै कर्णाली प्रदेश ४ अंकसहित सातौं स्थानमा छ भने लुम्बिनी प्रदेशले आफ्ना ३ खेलमा एक जित हात पारेर आठौ स्थानमा छ भने । गण्डकीले आफ्न तीन खेलमा र कोशी प्रदेशले आफ्ना पाँच खेलमा एक पनि जित हात पार्न सकेको छैन् ।
