काठमाडौं, माघ १८ । जारी प्रधानमन्त्री कप राष्ट्रिय क्रिकेट प्रतियोगितामा आज लिग चरणका अन्तिम दुई खेल हुँदैछन् । टियु मैदानमा हुने खेलमा गण्डकी प्रदेश र त्रिभुवन आर्मी क्लबबीच प्रतिस्पर्धा हुँदैछ भने मुलपानी क्रिकेट मैदानमा हुने खेलमानेपाल पुलिस क्लब र सुदूरपश्चिम प्रदेशबीच प्रतिस्पर्धा हुँदैछ ।
अहिलेसम्म नेपाल पुलिस क्लबले आफ्नो ८ खेलमा सबै खेल जितेर १६ अंकसहित शीर्ष स्थानमा रहेको छ । त्यस्तै त्रिभुवन आर्मी क्लब ८ खेलमा ६ खेलमा १२ अंकसहित दोस्रो स्थानमा उक्लिएको छ । बागमती प्रदेशले आफ्ना ९ खेलमा १२ अंकनै हासिल गर्दै तेस्रो स्थानमा छ । मधेश प्रदेशले पनि आफ्ना ९ खेलमा १२ अंकसहित चौथो स्थानमा छ ।
एपीएफ क्लब ९ खेलमा १० अंकसहित पाँचौं स्थानमा छ । सुदूरपश्चिम प्रदेश ८ खेलमा ४ जितसहित ८ अंकसहित छैटौं स्थानमा छ। कर्णाली प्रदेश ९ खेलमा ८ अंकसहित सातौं स्थानमा छ । गण्डकी प्रदेशले ८ खेलमा २ जितसहित ४ अंकसहित आठौँ स्थानमा छ । कोशी प्रदेश रलुम्बिनी प्रदेश ९ खेलमा एक जितसहित नवौं स्थानमा र कोशी प्रदेश एक जितसहित पुछारमा छ ।
