काठमाडौं, माघ २२ । इंग्लिस प्रिमियर लिग अन्तरगत गएराती भएको खेलमा आर्सनलसँग लिभरपुल ३–१ गोल अन्तरले पराजित भएको छ । शीर्ष स्थानमा रहेको लिभरपुल दोस्रो स्थानको आर्सनलसँग पराजित भएको हो ।
आर्सनलका लागि पहिलो गोल बुकायो साकाले गोल गरे । उनले खेलको १४ औँ मिनेटमै आर्सनललाई अग्रता दिलाए । पहिलो हाफको इन्जुरी समयमा ग्याबरियल मगलहायसले लिभरपुलका लागि बराबरी गोल गरे । दोस्रो हाफमा आर्सनलका लागि ग्याबरियल मार्टिनेल्ली र ट्रोसर्डले १–१ गोल गरे ।
८८ औँ मिनेटमा इब्राहिमा कोनाटेले दोस्रो पहेँलो कार्ड पाएसँगै लिभरपुल १० खेलाडीमा सीमित बनेको थियो । २३ खेलपछि आर्सनलले ४९ अंक बटुलेको छ । लिभरपुलको समान खेलमा ५१ अंक छ । जितसँगै लिग तालिकामा दोस्रो स्थानमा रहेको आर्सनलले लिभरपुलसँगको दूरी दुई अंकमा झारेको छ ।
