काठमाडौं, फागुन ५ । आईसीसी विश्वकप लिग–२ अन्तर्गत नेदरल्याण्ड्सविरुद्धको खेलमा नेपालले टस जितेर पहिले बलिङ गर्ने निर्णय गरेको छ। खेल कीर्तिपुरस्थित अन्तर्राष्ट्रिय क्रिकेट मैदानमा हुँदैछ। नामिबिया र नेदरल्याण्ड्स सहितको त्रिदेशीय शृङ्खलामा बिहिवार भएको पहिलो खेलमा नामिबियासंग नेपाल चार विकेटले पराजित भएको थियो ।
पहिलो खेल हारेकोले आजको खेलमा जित दर्ता गर्ने लक्ष्यसहित नेपाल मैदानमा उत्रदै छ । नेपालले यो त्रिदेशीय शृङ्खलामा कूल चार खेल खेल्नेछ । आजको खेल पछि सोमबार हुने तेस्रो खेलमा दुई पाहुना टोलीबीच प्रतिस्पर्धा हुनेछ । यसैगरी आगामी बुधवार नेपालले पुनः नामिबियासंग खेल्नेछ भने अर्को आइतबार नेदरल्याण्डसंग दोस्रो खेल खेल्ने तालिका छ ।
