काठमाडौं, चैत १९ । इन्डियन प्रिमियर लिग (आईपीएल) क्रिकेट अन्तर्गत आज एक मात्रै खेल हुँदैछ। आजको खेलमा मुम्बई इन्डियन्स र राजस्थान रोयल्सबीच प्रतिस्पर्धा हुनेछ। मुम्बईस्थित वानखेडे स्टेडियममा हुने आजको खेल नेपाली समय अनुसार साँझ ७ः४५ बजे सुरु हुनेछ।
हालसम्म जारी सिजनमा पाँच पटकको उपाधि विजेता मुम्बईले २ खेल खेल्दा एक खेलमा पनि जित हात पार्न सकेको छैन। जितबिहीन रहेको मुम्बई अङ्क तालिकाको पुछारमा रहेको छ भने राजस्थानले जारी सिजनमा खेलेको २ खेलमा दुबैमा जित हात पारेको छ र अङ्क तालिकाको तेस्रो स्थानमा रहेको छ।
