काठमाडौं, चैत २३ । भारतमा जारी फ्रेन्डसिप कप अन्तर्गत नेपालले आज बरोडा क्रिकेट एसोसियसनको टिमसँग खेल्दै छ । फ्रेन्डसिप कपको लिग चरणको अन्तिम खेलमा आज नेपाली समयअनुसार दिउँसो २ः४५ बजेदेखि यो खेल शुरु हुँदैछ ।
यस फ्रेन्डसिप कपमा नेपालले यसअघि शुरुका तीनै खेल जितेर फाइनलमा पुगिसकेको छ भने गुजरात क्रिकेट एसोसियसनको टिमले बरोडालाई दुवै खेलमा पराजित गर्दै फाइनलमा पुगेको छ ।
बरोडाले आफ्ना यसअघिका तीनै खेलमा हार ब्यहोरेर बाहिरिएको छ । त्यसैले यस खेलको नतिजाले कुनै फरक नपार्ने भएको छ । नेपाल र गुजरात क्रिकेट एसोसियसनको टिमबीचको फाइनल खेल आइतबार हुँदैछ ।
