काठमाडौं, २६ चैत्र । जनता समाजवादी पार्टी, नेपालका प्रभावशाली नेता तथा पूर्वमन्त्री डा. वीरेन्द्र प्रसाद महतोले सिराहाको कल्याणपुर नगरपालिकाको हिउँदे नगरसभाको उद्घाट्न गरेका छन् । सो नगरसभाको उद्घाटन गर्दै पूर्वमन्त्री महतोले नगरसभा नगरपालिकाको आफ्नै पवित्र धर्मशालामा गरिएको भन्दै खुशी व्यक्त गरे ।
देशका अधिकांश नगरपालिकाले नगरसभाको लागि विभिन्न होटेल र रिसोर्ट रोज्ने गरेकोमा कल्याणपुरले भने आफ्नै नगरपालिकाको पवित्रस्थल धर्मशालामा गरेको भन्दै महतोले खुशी व्यक्त गरेका हुन् । स्थानीय सरकारको अधिकार धेरै नै रहेको भन्दै यसलाई आफ्नो नगरको विकासको लागि नगरसभाले उपयुक्त निर्णय लिनेमा आफू विश्वस्त रहेको महतोको भनाई छ । नगरपालिकाले हरेक नागरिकका समस्यालाई समाधान गरेर जानुपर्ने उनको सुझाव छ ।
