काठमाडौं, वैशाख १९ । आज बुधबार सुनचाँदीको मूल्य घटेको छ । मंगलबार प्रतितोला १ लाख ३७ हजार २ सय रुपैयाँमा कारोबार भएको छापावाला सुनको मूल्य आज प्रतितोला २७ सय रुपैयाँले घटेको हो । आज छापावाला सुन १ लाख ३४ हजार ५ सय रुपैयाँमा कारोबार भइरहेको छ ।
त्यस्तै आज तेजावी सुनको मूल्य पनि घटेको छ । आज तेजावी सुन प्रतितोला १ लाख ३३ हजार ८ सय ५० रुपैयाँमा कारोबार भइरहेको छ ।
नेपाल सुनचाँदी व्यवसायी महासंघका अनुसार आज चाँदीको भाउ तोलामा २० रुपैयाँले घटेको छ । मंगलबार प्रतितोला १ हजार ६ सय ५० रुपैयाँमा कारोबार भएको चाँदी आज १ हजार ६ सय ३० रुपैयाँमा कारोबार भइरहेको छ ।
