काठमाडौं, ३० बैशाख । प्रधानमन्त्री पुष्पकमल दाहाल चितवन पुगेका छन् । उपप्रधान एवम् भौतिकमन्त्री रघुवीर महासेठसहित प्रधानमन्त्री दाहाल आज अपराह्न भरतपुर पगेका हुन् । प्रधानमन्त्री दाहाल र मन्त्री महासेठको टोली बुद्ध एयरको जहाजमार्फत भरतपुर पुगेका हो । उनीहरुलाई भारतपुर महानगरकी मेयर रेनु दाहालको टोलीले विमास्थलमा स्वागत गरेको थियो ।
नारायणी नदीमा निर्माण गर्न लगिएकोुसिग्नेचर ब्रिजको शिलान्यास गर्ने कार्यतालिका छ । यस्तै, उनी एक नगरपालिकाको कार्यक्रममा प्रमुख अतिथिको रुपमा सरिक हुने उनको सचिवालयले जनाएको छ । प्रधानमन्त्री दाहाल भोलि नै काठमाडौं फर्किने जनाईएको छ ।
भोलि काठमाडौं फर्किनेबित्तिकै प्रधानमन्त्री दाहाल मन्त्रिपरिषद् पूनर्गठनमा व्यस्त हुने बताईएको छ । प्रधानमन्त्री दाहालले उपेन्द्र यादवलाई बर्खास्त गरेर अशोक राई नेतृत्वको जसपाका सांसदलाई मन्त्री बनाउने र नागरिक उन्मुक्ति पार्टीकी अध्यक्ष रञ्जिता श्रेष्ठलाई पनि मन्त्री बनाउने तयारी गरेका छन् ।
