रुकुम, १६ असार । बिहीबारदेखि सुरु भएको रुकुमका तीन गाउँपालिकाको मतगणना जारी छ । निर्वाचन सम्पन्न भएका कुल ३१ वडामध्ये २१ वडाको मतपरिणाम आइसकेको छ ।
यसमध्ये १९ वडामा जित हात पारेको माओवादी केन्द्रले अग्रता कायम गरिहरहेको छ । दुई वटा वडामा जित हात पार्दै एमाले दोस्रो स्थानमा छ । अहिलेसम्म कांग्रेसले कुनै पनि वडामा जितेको छैन ।
पहिलो चरणभन्दा दोस्रो चरणमा मतगणना अलि छिटो अगाडि बढिरहेको छ । शुक्रबार साँझसम्ममा सबै स्थानीय तहको मतपरिणाम आउने अनुमान गरिएको छ।
