![](https://reportersnepal.com/wp-content/uploads/2017/09/nain-singh-mahar-900x600.jpg)
साउन २६, काठमाण्डौ । नेपाल विद्यार्थी संघका अध्यक्ष नैनसिंह महरले आगामी मंसिरमा महाधिवेशन गर्ने दाबी गरेका छन् ।
नेपाली रेडियो नेटवर्कको कार्यक्रम नेपाली बहसमा ऋषि धमलासँग कुरा गर्दै महरले संघभित्र सामान्य असन्तुष्टी भए पनि सफलतापूर्वक महाधिवेशन गर्ने तयारीमा आफू रहेको बताए ।
अबको केही दिनभित्रमा नै महाधिवेशनको मिति तय हुने महरले बताए ।
“विधान अनुसार मंसिरमा महाधिवेशन सम्पन्न गर्छु । नेविसंघभित्र कुनै पनि पक्ष–विपक्ष छैन । केही साथीहरु महाधिवेशनबाट भाग्न खोजेका थिए । तर माहाधिवेशको अर्को कुनै विकल्प नभएकाले भागेर सुखै छैन ।” महरले भने ।
पार्टीभित्रको गुटबन्दीको सिकार नेपाल विद्यार्थी संघ पनि हुनुपरेको महरले बताए । तर अहिले महाधिवेशको वातावरण सृजना भइरहेको उनले बताए ।
आफू नेविसंघको अध्यक्ष भएपछि धेरै प्रभावकारी काम गरेको महरको दाबी छ । अब हुने महाधिवेशनपछि नेविसंघ थप बलियो बन्ने र माउ पार्टी कांग्रेसलाई पनि शक्तिशाली बनाउनमा महत्वपूर्ण भूमिका खेल्ने महरको तर्क छ ।
सम्बन्धित समाचार :