भदौ ३०, काठमाण्डौ । नेपाली कांग्रेसका युवा नेता गगन थापाले गृहमन्त्री रामबहादुर थापाको कार्यशैलिमाथि प्रश्न उठाएका छन् ।
प्रतिनिधीसभाको शनिबारको बैठकको शुन्य समयमा थापाले सोच र क्षमता दुबैमा बादल लागेका गृहमन्त्री हामीलाई चाहिन्छ र’ भन्दै प्रश्न समेत गरे । ठूलो माछा पक्रन नसकेको, ट्रमा सेन्टरबाट डाक्टर उठाएको, विदेश जान लागेका लेनिन विष्टलाई विमानस्थलमा रोकेको पत्रकार शम्भु श्रेष्ठलाई स्पष्टीकरण सोधेको र राजु बस्नेतलाई पक्राउ गरिएको घटनो गृहमन्त्रीको क्षमतामाथि प्रश्न उठेको थापाको भनाई थियो ।
हिरासतमै राममनोहर यादव मारिँदा, निर्मला पन्तमाथि जघन्य अपराध गर्नेहरुलाई आफ्नै संयन्त्रहरु जोगाउन लागिरहँदा पनि गृहमन्त्रीलाई हिनताबोध नभएको थापाले बताए ।
संसदमा अन्य सांसदहरुले विभिन्न समसामयिक विषयमा सरकारको ध्यानाकर्षण गराएका थिए ।
