काठमाडौं, २७ मंसिर । प्रमुख प्रतिपक्षी दल नेपाली कांग्रेसका सभापति शेरबहादुर देउवाले आगामी महाधिवेशनमा पनि आफू नै सभापतिमा उठ्ने घोषणा गरेका छन् । पार्टीको जारी केन्द्रीय कार्यसमिति बैठकमा उनले बरिष्ठ नेता रामचन्द्र पौडेलकै अगाडि यस्तो घोषणा गरेका हुन् ।
पार्टी कार्यालय सानेपामा बसेको बैठकमा सभापति देउवाले आफूले अझै एक कार्यकाल कांग्रेसको नेतृत्व सम्हाल्ने घोषणा नै गरिदिए । तर, नेता पौडेलले भने यसबारेमा केही पनि धारणा राख्न नसकेको नेताहरुको भनाई छ ।
